اناا اسف نسيت اعلمك و شلووون تنساني

أكيد انك على غفله نسيت وجبت لي سيرة!!
أو إني ما عرفت أعلمك وشلون تنساني !!

كثر ما كنت أشوف إن المفارق ضيقه ..وحيرة
كثر ما كنت أحس إنك ولهت ..وجاك ماجاني

أعرف الحب الأول ما يموت .. وما يجي غيره
وأعرفك كل ما يطري عليك القرب ..تلقاني

أجل ما قلت لك ؟.:ساعه معك تسوالها ديره
علامك تزرع الغيبة قصيد وتحصد أحزاني

تغيب وما تبيني أطوي الدرب ومشاويره
وأنا لولاك ماكان القصيد يحرك أشجاني

إذا ماكل شاعر يكتب إلهامه وتفكيره
تعال إكتبني في دفتر حياتك ..وأعزف ألحاني

حبيبي والطعون اللي تجي من خنجرك ..خيره
لان الجرح يأخذ هيبته من هيبة الجاني

تعبت وكل ذنب بغيبتك ماتت معاذيره
مثل ما كنت مسرف بالعطايا ..وأنت حرماني

تخيل حتى لو قلبي بديت أشعر بتقصيره
أدور لك بداله قلب يعطي والعمر فاني

لو إنك تفهم إحساس الغلا وشلون تأثيره
فهمت شلون ما شوفك ..وأجيب أسمك على لساني

تصدق عاد ..أنا والشوق والإحساس والغيره
جلسنا كل واحد يشكي غيابك على الثاني

أقولك شي ..وماتزعل علي..وتفضها سيره
أنا آسفـــ .. نسيت أعلمك وشلون تنساني